Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի հատկապես կարևորագույն գործերով ավագ քննիչ Գագիկ Հարությունյանի կողմից նյութեր են նախապատրաստվում երեկ՝ հունիսի 2-ին, Երևանում տեղի ունեցած վրաերթի փաստով:
Ինչպես հայտնում է shamshyan .com-ը, ժամը 21:10-ի սահմաններում Ծովակալ Իսակովի և Բարձրաբերդի փողոցների խաչմերուկում Երևանի բնակիչ 24-ամյա Վարդան Թադևոսյանը, վարելով Opel Corsa մակնիշի 61 MN 001 համարանիշի ավտոմեքենան, վրաերթի է ենթարկել Կիլիկիա թաղամասի Ադանայի փողոցի բնակչներ 17-ամյա Անահիտ Մելքոնյանին և 4-ամյա Կարինե Մկրտումյանին:
Ա. Մկրտումյանը տեղափոխվել է Սուրբ Աստվածամայր բժշկական կենտրոն, իսկ Ա. Մելքոնյանը՝ Արմենիա բժշկական կենտրոն:
Վարորդը փախուստի չի դիմել, օգնել է, որպեսզի վրաերթի ենթարկվածները տեղափոխվեն հիվանդանոց, իսկ հետիոտները փողոցն անցնելիս են եղել չթույլատրելի վայրով, երբ մի քանի մետր այն կողմ գետնանցնումն է:
Արմենիա բժշկական կենտրոնից ֆոտոլրագրողին հայտնել են, որ Ա. Մելքոնյանը գտնվում է կայուն ծանր վիճակում, իսկ նա վրաերթի ենթարկված երեխայի մորաքույրն է:
Վ. Թադևոսյանը աշխատում է Դռներ ԱՁ-ում՝ որպես գանձապահ:
.gif)
