4-րդ շաբաթն անընդմեջ շաբաթ և կիրակի օրերին քաղաքապետարանի ենթակայության պոլիկլինիկաներում սահմանվել է հերթապահություն
Երևանի քաղաքապետ Տարոն Մարգարյանի հանձնարարությամբ համայնքային ենթակայության բոլոր ամբուլատոր-պոլիկլինիկական բուժհաստատություններում սույն թվականի հունվարի 30-ին և 31-ին, շաբաթ և կիրակի օրերին դարձյալ սահմանվել է հերթապահություն։ Նախորդ շաբաթվա համեմատ քաղաքացիների այցելությունների թիվը նվազել է: Այդ օրերին բժիշկների օգնությանն է դիմել 226 քաղաքացի, որոնցից 47-ը տառապել է սուր շնչառական հիվանդությամբ, իսկ 6-ը՝ թոքաբորբով:
Չնայած սուր շնչառական հիվանդություների ախտորոշման թվի անկմանը՝ բուժհաստատությունների տնօրեններին և բժիշկներին հանձնարարվել է արագ արձագանքել ցանկացած քաղաքացու խնդրին, իրականացնել պատշաճ, բարեխիղճ սպասարկում:
.gif)
