Փետրվարի 4-ին Ադրբեջանի ՊՆ մամուլի ծառայությունը հայտարարել է, թե իբր հայ-ադրբեջանական պետական սահմանագոտում փետրվարի 3-ին հայկական կողմից ձեռնարկված դիվերսիոն գործողության հետեւանքով սպանվել է ադրբեջանական ԶՈւ-ի մեկ զինծառայող:
ՀՀ պաշտպանության նախարարությունը հայտարարում է, որ Ադրբեջանի ՊՆ մամուլի ծառայության հաղորդագրությունը ամբողջությամբ իրականությանը չի համապատասխանում: Ստացված օպերատիվ տեղեկություններով` ադրբեջանական զինված ուժերում գրանցված զոհը ներքին` ոչ կանոնադրական հարաբերությունների արդյունք է:
Ադրբեջանական կողմը եւս մեկ անգամ փորձում է ապատեղեկատվության միջոցով խեղաթյուրել իրականությունը եւ անհիմն մեղադրանքներ ուղղել հայկական կողմին: Եվս մեկ անգամ շեշտում ենք ԼՂ հակամարտության շփման գծում եւ հայ-ադրբեջանական պետական սահմանին տիրող զինված դիմակայության հետեւանքով հնարավոր միջադեպերի նվազեցման եւ կանխման նպատակով հետաքննության մեխանիզմների կիրառման անհրաժեշտությունը:
.gif)
