Այսօր Ամերիկայի Միացյալ նահանգների 40-րդ նախագահ Ռոնալ Ռեյգանի ծննդյան օրն է: Նա ծնվել է 1911 թվականի փետրվարի 6-ին: Նախագահի պաշտոնը զբաղեցրել է հունվար 20, 1981 թվականից մինչև հունվար 20, 1989։ Ռեյգանը երիտասարդական տարիներին եղել է դերասան, նկարահանվել է մոտ 19 ֆիլմում :
Ռոնալդ Ռեյգանը («հոլանդական» սանրվածքով), նրա եղբայր Նեյլը և նրանց ծնողներ Ջեք և Նելլի Ռեյգանները: Լուսանկարը մոտ 1916-1917 թվականների:
Ռոնալդ Վիլսոն Ռեյգանը ծնվել է 1911 թվականի փետրվարի 6-ին Իլինոյս նահանգի Թամփիքո քաղաքի առևտրային շենքերից մեկի երկրորդ հարկում, Ջեք և Նելլի (Վիլսոն) Ռեյգանների ընտանիքում: Ռեյգանի հայրը վաճառական և հեքիաթասաց էր, կաթոլիկ իռլանդացու թոռ, ով արտագաղթել էր իռլանդական Թիփերերի կոմսությունից, իսկ նրա մայրը շոտլանդական և անգլիական արմատներ ուներ: Ռեյգանի ավագ եղբայրը՝ Նեյլը, գովազդային գործակալ էր: Ռեյգանի հայրը իր որդուն տվել էր «հոլանդացի» մականունը նրա «չաղ փոքրիկ հոլանդացու» տեսքի և «հոլանդացի տղայի» սանրվածքի պատճառով:
Այդ մականունը նրա հետ մնաց ողջ երիտասարդության տարիներին: Ռեյգանի ընտանիքը կարճ ժամանակով ապրել է Իլինոյսի մի շարք քաղաքներում, այդ թվում նաև Մոնմաութում, Գեյլսբուրգում, Չիկագոյում: 1919 թվականին նրանք վերադառնում են Թամփիքո և ապրում H. C. Pitney Variety խանութից վերև մինչ այն ժամանակը, երբ նրանք վերջնականապես հաստատվեցին Դիքսոնում[4]: Նախագահ դառնալուց հետո, երբ Ռեյգանն ապրում էր Սպիտակ տան մասնավոր թաղամասերից վեր, հեգնանքով ասում է․ «Ես կրկին ապրում եմ խանութից վերև»:
Ըստ Փոլ Կենգորի՝ «Աստված և Ռոնալդ Ռեյգան» գրքի հեղինակի, Ռեյգանն ուժեղ հավատ ուներ դեպի մարդկային բարությունը, որն էլ գալիս էր իր լավատես մորից՝ Նելլիից, և Քրիստոսի նկատմամբ հավատը, որն էլ առաջ եկավ 1922 թվականին մկրտությունից հետո: Ժամանակին Ռեյգանի կարծիքը դեպի ռասսայական խտրականությունն անսովոր էր, նա հիշում էր այն ժամանակները Դիքսոնում, երբ տեղական պանդոկում թույլ չէին տալիս սևամորթներին մնալ այնտեղ: Ռեյգանը նրանց տուն բերեց, որտեղ իր մայրը հրավիրեց նրանց գիշերելու և հաջորդ առավոտյան նրանց ճաշի հրավիրեց:
Փիթնի խանութի փակվաելուց հետո՝ 1920 թվականի վերջերին, Ռեյգանը տեղափոխվեց Դիքսոն: Այդ արևմտյան «փոքրիկ տիեզերքը» տևական տպավորություն թողեց Ռեյգանի վրա: Նա սկսեց հաճախել Դիքսոնի ավագ դպրոցը, որը զարգացրեց նրա հետաքրքրությունները դեպի դերասանություն, սպորտ, հեքիաթասացություն: Նրա առաջին աշխատանքը եղավ որպես փրկարար 1927 թվականին Դիքսոնում՝ Ռոք գետի մոտ՝ Լոքել այգում: 6 տարվա ընթացքում Ռեյգանը 77 կյանք է փրկում: Ռեյգանը հաճախում է Էվրիկա քոլեջը, որտեղ դառնում է Tau Kappa Epsilon եղբայրության անդամ, ակտիվ մասնակից և մասնագիտանում տնտեսագիտության և սոցիոլոգիայի մեջ:
Սակայն Հասարակական աշխատանքների Միլլեր կենտրոնը նրան բնութագրում էր որպես «անտարբեր ուսանող»-ի։ Նա ավելի շատ խորացավ տնտեսագիտության մեջ և ավարտեց միջին գնահատականներով։ Ռեյգանը բոլոր արհեստների մեջ ճարտար մարդու համբավ ձեռք բերեց՝ հաջողության հասնելով ճամբարային քաղաքականության մեջ, սպորտում և թատրոնում: Նա ֆուտբոլային թիմի անդամ էր, լողի թիմի ավագն էր և ընտրվել էր ուսանողական խորհրդի նախագահ: Որպես Ուսանողական խորհրդի նախագահ՝ Ռեյգանը գլխավորեց ուսանողական ապստամբությունը քոլեջի նախագահի դեմ այն բանից հետո, երբ նա փորձեց կրճատումներ իրականացնել ֆակուլտետում:
.gif)
