ՀՀ տրանսպորտի և կապի նախարար Գագիկ Բեգլարյանը փետրվարի 5-ին հանդիպեց Հայաստանում Բելառուսի արտակարգ և լիազոր դեսպան Իգոր Նազարուկին:
Գագիկ Բեգլարյանը ողջունելով նորանշանակ դեսպանին՝ շնորհավորեց նրան մեր երկրում դիվանագիտական առաքելություն սկսելու առթիվ, մաղթեց արդյունավետ և արգասաբեր աշխատանք՝ հայ-բելառուսական հարաբերություններն էլ ավելի ամրապնդելու գործում:
Իգոր Նազարուկը շնորհակալություն հայտնեց ընդունելության համար, նշեց, որ ինքը ևս շահագրգիռ է, որպեսզի երկու երկրների միջև առկա սերտ համագործակցությունն էլ ավելի ամրապնդվի:
Պաշտոնյաները կարծիքներ փոխանակեցին Եվրասիական տնտեսական միություն մուտք գործելուց հետո կազմակերպության անդամ երկրների համար ընձեռված հնարավորություններն առավել արդյունավետ օգտագործելու վերաբերյալ:
Կողմերը մանրամասն անդրադարձան Հայաստանից Բելառուս և հակառակ ուղղությամբ իրականացվող բեռնափոխադրումների ոլորտում առկա խնդիրներին, դրանց կարգավորման ուղղությամբ կատարվող աշխատանքներին։
Հանդիպման ընթացքում քննարկվեցին նաև փոխադարձ հետաքրքրություն ներկայացնող մի շարք այլ հարցեր:
ՀՀ տրանսպորտի և կապի նախարարության
լրատվական ծառայություն
.gif)
