Ջևան Չելոյանցը առնչություն չի ունեցել «Ուլիս» ակումբի հետ. ՀՖՖ

«Ուլիս» ակումբի ֆինանսական խնդիրների պատճառով Հայաստանի առաջնությանը չմասնակցելու տեղեկատվական հոսքերում հրապարակումներ են եղել նաև այն մասին, որ իբր ակումբի հետ առնչություն է ունեցել Մոսկվայի «Սպարտակի» նախկին բաժնետեր, տնօրենների խորհրդի անդամ Ջևան Չելոյանցը։

Իրականում հայտնի գործարարը «Ուլիս» ակումբի հետ չէր կարող առնչություններ ունենալ և երբեք չի ունեցել, շատ պարզ պատճառով, քանի որ Ջևան Չելոյանցը Երևանի «Բանանց» ակումբի հովանավորն է և իր ներդրումներն ու կառավարման փորձը կիրառում է հենց այդ ակումբում։