Դատական կոռուպցիան եւ ապօրինությունները բացահայտելու նպատակով Օմբուդսմենը փաստաբաններից, դատախազներից եւ դատավորներից տեղեկություններ է հավաքում:
ՄԻՊ գրասենյակի տարածած հաղորդագրության մեջ ասվում է.
“Կարեւորելով վերջին օրերին փաստաբանների կողմից գործադուլի միջոցով բարձրացված խնդիրները եւ կիսելով նրանց հիմնական մտահոգությունները՝ Հայաստանի մարդու իրավունքների պաշտպանը աշնանը հանդես կգա Արտահերթ հրապարակային զեկույցով՝ մանրամասն ներկայացնելով արդար դատաքննության իրավունքի իրացման վիճակը Հայաստանում:
Պաշտպան Կարեն Անդրեասյանի հանձնարարականով արդար դատաքննության իրավունքի վերաբերյալ Արտահերթ զեկույցի մշակման աշխատանքային խումբը կղեկավարի Պաշտպանի տեղակալ Գենյա Պետրոսյանը:
Զեկույցը առավել ընդգրկուն դարձնելու նպատակով դիմում ենք Հայաստանի բոլոր փաստաբաններին, դատախազներին ու դատավորներին՝ խնդրելով մինչեւ օգոստոսի 26-ը ակտիվորեն համագործակցել Պաշտպանի տեղակալ Գենյա Պետրոսյանի հետ եւ առանձնազրույցների ու կապի այլ ձեւերով նրան փոխանցել.
1. Դատական համակարգում առկա կոռուպցիոն երեւույթների ու մեխանիզմների մասին ընդհանուր եւ մասնավոր տեղեկություններ,
2. Վերադաս դատարանների կողմից դատավորների նկատմամբ ճնշումների եւ դատական գործերին ապօրինի միջամտության դրեեւորումների մասին տեղեկատվություն,
3. ՀՀ Արդարադատության խորհրդի կողմից դատավորներին կարգապահական պատասխանատվության ենթարկելու կամ չենթարկելու հետ կապված ակնհայտ անարդար որոշումներ,
4. ՀՀ Վճռաբեկ դատարանի կողմից բողոքը վարույթ ընդունելու կամ չընդունելու հետ կապված ակնհայտ անարդար որոշումներ:
Պաշտպանին տեղեկություններ վստահած անձանց գաղտնիությունը պաշտպանված է օրենքով, իսկ տեղեկություններ տրամադրող փաստաբանների, դատախազների եւ դատավորների ինքնությունը կպահպանվի խիստ գաղտնիե:
.gif)
