Այսօր՝ հունիսի 17-ին, ավտովթար է տեղի ունեցել Շիրակի մարզում: Ժամը 10:30-ի սահմաններում Շիրակի մարզի Շիրակավան գյուղի բնակիչ, 58-ամյա Սամվել Գասպարյանը, վարելով ГАЗ 3309 մակնիշի 085 ԼԼ 70 համարանիշի ավտոմեքենան, Գյումրի քաղաքի Գործարանային փողոցից դեպի Մուշ գնացող ճանապարհահատվածում նշված ավտոմեքենայով կողաշրջվել է:
Ինչպես հայտնում է shamshyan .com-ը, վթարի հետևանքով վարորդ Ս. Գասպարյանն ու ուղևոր, Գյումրի քաղաքի բնակիչ, 70-ամյա Արտակ Մելքոնյանը մարմնական վնասվածքներով տեղափոխվել են Գյումրիի բժշկական կենտրոն: Բժշկական կենտրոնից ֆոտոլրագրողին հայտնել են, որ, բարեբախտաբար, նրանց կյանքին և առողջությանը վտանգ չի սպառնում:
Ֆոտոլրագրողը հայտնում է, որ նշված ավտոմեքենան հաշվառված է Գյումրու քաղաքապետարանի հաշվեկշռում, և այդ ավտոմեքենայով Գյումրիում կատարվում էր աղբահանություն:
.gif)
