Cooks.am կայքը ներկայացնում է ջեմով թխվածք, որն այս օրերին կարող են պահել Մեծ Պահքի հետևորդները:
Բաղադրիչներ`
- Խմորի համար՝
- ալյուր – 3 բաժակ
- կաթ – 1 բաժակ (սոյայի)
- բուսայուղ – 3 ճ/գդ
- շաքարավազ – 2 ճ/գդ
- աղ – 1 թ/գդ
- խմորիչ – 2 թ/գդ
- Միջուկի համար՝
- ջեմ ելակի – 250 գր
Պատրաստման եղանակ`
Գոլ կաթի մեջ ենք լցնում խմորիչը և կես ժամ հանգիստ ենք թողնում։ Այդ ընթացքում խառնում ենք խմորի համար նախատեսված մնացած բաղադրիչենրը։ Երբ խմորիչը լուծվում է լցնում ենք պատրաստված զանգվածի մեջ և խմոր ենք հունցում։ 1-1,5 ժամով հանգիստ ենք թողնում, որ խմորը բարձրանա(2 անգամ պետք է շատանա)։
Պատրաստի խմորը 2 մասի ենք բաժանում։ Մի մասը շրջանաձև գրտնակում ենք, դնում հանվող ձևամանի մեջ (մոտ 26 սմ տրամագծով) և ձեռքերով եզրերը մի քիչ դեպի վերև ենք բարձրացնում (1,5-2 սմ բարձրությամբ) ։
Գրտնակած խմորի վրա ենք լցնում ջեմն ու հավասարեցնում։
Խմորի երկրորդ կեսը գրտնակում ենք և բաժակով շրջաններ ենք կտրում։ Թխվածքի եզրերեով կտրած շրջանները միմյանց վրա ենք շարում։ Թխվածքի վրա կարող ենք քունջութ լցնել։ 15-20 րոպե հանգիստ ենք թողնում։
Թխում ենք 25-30 րոպե մինչև 210 աստիճան տաքացրած ջեռոցում։
Պատրաստի թխվածքը թողնում ենք, որ սառի և անցնում համտեսմանը:
.gif)
