Հունիսի 18-ին, ժամը 22.33-ին ահազանգ է ստացվել, որ հունիսի 17-ի առավոտյան երեք հովիվ 45 խոշոր եղջերավոր անասուններով դուրս են եկել Կոտայքի մարզի Բուժական գյուղից եւ շարժվել Հանքավան գյուղի ուղղությամբ, իսկ հունիսի 18-ի կեսօրից նրանց հետ կապ հաստատել չի հաջողվել, անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ որոնողական աշխատանքներ կատարելու նպատակով դեպքի վայր են մեկնել Եղվարդ եւ Հրազդան քաղաքների հրշեջ-փրկարարական ջոկատների օպերատիվ խմբերը:
Հունիսի 19-ին, ժամը 07.37-ին տեղեկություն է ստացվել, որ ժամը 07.35-ին Աղվերան-Երնջատափ գյուղերի սահմանային սարերում հայտնաբերվել են մոլորված հովիվները (Հ., Ա. եւ Հ. Հաբեթնակյան), ովքեր տեղանքին ծանոթ չլինելու պատճառով որոշել էին գիշերել տվյալ հատվածում:
.gif)
