
Գերմանական ֆուտբոլային միությունը 5 խաղով որակազրկել է Լևերկուզենի «Բայեր»-ի գլխավոր մարզիչ Ռոջեր Շմիդտին: Գերմանացի մասնագետը հեռացվել էր Դորտմունդի «Բորուսիա»-ի դեմ խաղում, սակայն հրաժարվել էր լքել տեխնիկական գոտին:
Բացի այդ Շմիդտը նաեւ կվճարի 20 հազար եվրո տուգանք, տեղեկացնում է ԳՖՄ-ի պաշտոնական կայքը: Հիշեցնենք, որ այդ միջադեպի պատճառով «Բայեր» – «Բորուսիա» հանդիպման գլխավոր մրցավարը ստիպված էր 10 րոպեով ընդհատել հանդիպումը: