ԻՊ-ը սպառնում է Ֆեյսբուքի և Թվիթերի հիմնադիրներին

«Իսլամական պետություն» ահաբեկչական խմբավորումը տեսանյութ է հրապարակել, որում սպառնում է Ֆեյսբուքի հիմնադիր Մարկ Ցուկերբերգին և Թվիթերի հիմնադիր Ջեք Դորսիին: Ինչպես փոխանցում է USA Today-ը, 25-րոպեանոց հոլովակում, որը տարածվել է Telegram-ի մեսենջերի միջոցով, հանդես է եկել իրեն «Խալիֆաթի բանակի որդիներ» անվանող խումբը:

Հոլովակի հեղինակները սպառնում են պատասխանել Ֆեյսբուքի և Թվիթերի կողմից ծայրահեղական տեղեկությունների արգելմանն ու իսլամիստների հաշիվների արգելափակմանը:

Իսլամիստները պնդում են, որ Ֆեյսբուքի ավելի քան 10 հազար և Թվիթերի ավելի քան 5 հազար հաշիվ է փակվել:

Թարգմանիչ՝ Քրիստինե Պողոսյան