Այսօր ԱԺ նիստի մեկնարկին ԱԺ ԲՀԿ խմբակցության պատգամավոր, Մարդու իրավունքների հանձնաժողովի նախագահ Էլինար Վարդանյանը հայտարարել է, որ պատգամավորները ստորագրահավաք են կազմակերպել՝ Վարդգես Գասպարիի խափանման միջոցը փոխելու պահանջով:
Պատգամավորը նշել է, որ Գասպարիի կալանավորումն անհանգստանալու տեղիք տվել, և ստեղծված իրավիճակը կարևորագույն խնդիրներից է. «Այս պահին ստորագրահավաք է սկսվել, որը կուղարկվի Վերաքննիչ դատարան: Կոչ եմ անում պատգամավորներին միանալ ստորագրահավաքին՝ Գասպարիի՝ խափանման միջոցը՝ կալանքը, փոփոխելու համար»,- հավելել է Է. Վարդանյանը: Իր հերթին «Ժառանգություն» խմբակցության պատգամավոր Թևան Պողոսյանն էլ նկատել է, որ իրենք էլ իրենց հերթին են ստորագրահավաք կազմակերպել, որին արդեն մի խումբ պատգամավորներ միացել են՝Վարդգես Գասպարիին ազատ արձակելու երաշխավորագիր պատրաստելու համար: Ստորագրահավաքին են միացել Գուրգեն Արսենյանը, Մարտուն Գրիգորյանը, Հովհաննես Մարգարյանը, Խաչատուր Քոքոբելյանը և այլք:
.gif)
