Երեխայի տակդիրի գինը կտրուկ կնվազի. «ՀԺ»

«Հայկական ժամանակ» թերթը գրում է. «Շուտով Հայաստանում վաճառվող երեխայի տակդիրի (փամփերսի) գինը կտրուկ կնվազի, քանի որ այս շուկայում հայտնվել է դրա ներկրմամբ զբաղվող երկրորդ ընկերությունը, որն արդեն վաճառքի է հանել տակդիրներն էական ցածր գնով։ Օրինակ «Pampers» տեսակի տակդիրի 5-րդ համարի մեկ տուտը եթե նախկինում վաճառվում էր և հիմա էլ որոշ վաճառակետերում վաճառվում է 7370 դրամով, ապա նոր գինը կազմում է 5600 դրամ։

Փորձեցինք տակդիրների ներմուծմամբ զբաղվող դեռևս միակ հայտնի ընկերությունից «ԱՌԳԵ ԲԻԶՆԵՍ» ՍՊԸ-ից պարզել արդյոք իրենք իջեցրե՞լ են տակդիրի գինը։ «Մենք այս պահին այնպես չի, որ էժան ենք վաճառում, որովհետև շուկայում կա շատ փամփերս, որը Թուրքիայից է ներկրվում անհայտ ճանապարհով ու, բնականաբար, այդ պատճառով էլ առանց հարկի վաճառում են, հարկ չեն վճարում ու բավականին մատչելի են վաճառում, քան ընկերությունը, որը ներկրում է, հարկ է վճարում, աշխատող է պահում ու ունի թանկ ապրանք»,– մեր զրույցում ասաց ընկերության վաճառքի բաժնի պատասխանատուն՝ նշելով, որ իրենք արդեն մեկ տարուց ավելի է՝ տակդիրների գինը չեն փոխել»:

Ավելի մանրամասն՝ թերթի այսօրվա համարում։