Ահաբեկչություն սիրիական Համայում. մահապարտ ահաբեկիչը պայթեցրել է ինքն իրեն

Ահաբեկչություն է տեղի ունեցել սիրիական Համա նահանգում: Մահապարտ ահաբեկիչը պայթեցրել է ինքն իրեն, փոխանցում է սիրիական SANA գործակալությունը:

Պայթյունի հետևանքով 2 մարդ է զոհվել, տասնյակ մարդիկ վնասվածքներ են ստացել:

Նախնական տեղեկությունների համաձայն՝ մահապարտը պատկանել է «Իսլամական պետություն» ահաբեկչական խմբավորմանը:

Ավելի վաղ Reuters գործակալությունը հայտնել էր, որ Համայում ականապատ ավտոմեքենա է պայթել:

Հիշեցնենք, որ Սիրիայում այսօր կեսգիշերից հրադադար է սահմանվում, որին երկիրը սպասել է 5 տարի:

Թարգմանիչ՝ Քրիստինե Պողոսյան