Անեկդոտ ամենախելացի շիկահերի մասին

Ինքնաթիռում կողք կողքի նստած են շիկահերն ու փաստաբանը: Միասին երկար ճանապարհ պետք է անցնեն:

Փաստաբանը՝ շիկահերին.

– Թո’ւյլ տվեք ձեզ մի հարց ուղղեմ, եթե չիմանաք պատասխանը, ինձ 5 դոլար կտաք: Հետո դուք ինձ հարց կուղղեք, և եթե ես չպատասխանեմ, ես ձեզ 500 դոլար կտամ:

Շիկահերը համաձայնվում է:

Փաստաբան.

– Որքա՞ն է Երկրի և Լուսնի միջև հեռավորությունը:

Շիկահերը լուռ տալիս է 5 դոլարը:

Գալիս է շիկահերի հերթը.

– Ո՞վ է բարձրանում սարը 3 ոտքերի վրա և իջնում 4-ի վրա:

Ժամեր են անցնում: Փաստաբանը զանգում է իր բոլոր ընկերներին, փորփրում է համացանցը, սակայն այդպես էլ չի կարողանում պատասխան գտնել և տալիս է 500 դոլարը, ապա հարցնում.

– Եվ ո՞վ է:

Շիկահերը լուռ հանում է 5 դոլարն ու շրջվում մի կողմ: