Երեկ Արմավիրի մարզի Ակնալիճ համայնքի բնակիչն իր սեփական հողատարածքը ջրելու ժամանակ ական է հայտնաբերել: Այդ մասին նա տեղյակ է պահել գյուղապետ Գեւորգ Միսակյանին: «Ժողովուրդ»-ը գյուղապետից տեղեկացավ, որ մարզային փրկարարական վարչության օպերատիվ խմբի եւ հատուկ նշանակության փրկարարական աշխատանքներ իրականացնող կենտրոնի սակրավորական ջոկատի կողմից հայտնաբերվել են 80 եւ 120 մմ-անոց ականանետի ականներն ու ականազերծվել: «Այդ հողատարածքը բնակավայրից հեռու է գտնվում: Իմ կարծիքով՝ դա 1947 թվականի ական է եղել: Եթե կանայք գտած լինեին, հիմա շատ վախեցած կլինեին: Մարդիկ, որ կարկուտից չեն վախենում, ուրեմն դրանից էլ չեն վախենա»,-նկատեց գյուղապետը:
.gif)
