Տավուշի մարզի Նոյեմբերյան քաղաքի խանութներում վաճառվում է վրացական արտադրության խինկալի: Կանաչ փաթեթով այդ արտադրանքի վրա միայն վրացերենով գրառումներ են, որոնք հավանաբար վերաբերում են սննդամթերքի բաղադրությանը, պատրաստման եղանակին, պահպանման ժամկետին: Հայ սպառողներին մնում է վրացերեն կարդալ եւ հասկանալ: Ըստ Հայաստանի օրենսդրության՝ արտերկրից ներկրված ապրանքների փաթեթների վրա անպայման պետք է լինեն դրանց արտադրության, բաղադրության, սպառման ժամկետների վերաբերյալ հայերենով գրառումներ: Տվյալ դեպքում օրենսդրության պահանջներն անտեսված են: Հարց է ծագում. տվյալ ապրանքատեսակն ինչպե՞ս է հատել հայ-վրացական սահմանը, մաքսակետը: Որտե՞ղ են վերահսկող կազմակերպությունները, ինչո՞ւ չեն կատարում օրենքով իրենց վերապահված գործառույթները: Մնում է ակնկալել, որ մեր այս հրապարակումը համապատասխան մարմինների ուշադրությանը կարժանանա:
.gif)
