Ֆրանսիացիների մեծ մասը չի ցանկանում, որ Մադրիդի «Ռեալ»-ի հարձակվող Կարիմ Բենզեման վերադառնա ազգային հավաքական և հանդես գա Եվրո-2016-ի ժամանակ: Ֆուտբոլիստը հեռացվել էր ազգային թիմից հավաքականի խաղացող Մատյե Վալբուենայի շանտաժի գործին առնչություն ունենալու համար:
Հարցմանը մասնակցած 996 ֆրանսիացիների 70 տոկոսը դեմ է արտահայտվել Բենզեմայի վերադարձին: Իսկ հարցման մասնակիցների 67 տոկոսն էլ բացասական վերաբերմունք ունի Ֆրանսիայի հավաքականի նկատմամբ: Ֆրանսիացիների 78 տոկոսը չի հավատում, որ ազգային հավաքականը կկարողանա 2016թ. Եվրոպայի առաջնությունում նվաճել չեմպիոնի տիտղոսը:
.gif)
