Ամենաշատ դեմ քվեարկած պատգամավորների տասնյակում մեկ ԲՀԿ-ական կա

Ըստ Parliamentmonitoring.am կայքի ներկայացրած վիճակագրության` ԱԺ 8-րդ նստաշրջանի ընթացքում  ԲՀԿ խմբակցության ամենաշատ հարց տված (23) և ելույթ ունեցած (24) պատգամավորը Միքայել Մելքումյանն է: Ամենաշատը կողմ է քվեարկել Բազմասեր Առաքելյանը (89): Ամենաշատ ձեռնպահ քվեարկածը Վահե Հովհաննիսյանն է (26), ամենաշատ չքվեարկածը (33)` Կարո Կարապետյանը, դեմ քվեարկածը (32)` Տիգրան Ուրիխանյանը:

Խմբակցության պատգամավորներից ամենաշատը բացակայել է Գագիկ Ծառուկյանը (94): Նա գլխավորում է 5-րդ գումարման ընթացքում ամենաշատ բացակայած պատգամավորների տասնյակը: Այս տասնյակում են ԲՀԿ-ից ևս 4 պատգամավոր: Ամենաշատ կողմ քվեարկողների տասնյակում ԲՀԿ-ական պատգամավոր չկա, իսկ ամենաշատ դեմ քվեարկած միակ ԲՀԿ-ականը` Տիգրան Ուրիխանյանը, եզրափակում է տասնյակը:

Ձեռնպահ քվեարկած ԲՀԿ-ականները 3-ն են, ամենաակտիվ պատգամավորների տասնյակում ԲՀԿ-ից միայն Միքայել Մելքումյանն է: