Սիսիանում բռնկված հրդեհի հետևանքով վնասվել է երկու բնակարան

Մարտի 7-ին, ժամը 06.07-ին տեղեկություն է ստացվել, որ Սյունիքի մարզի Սիսիան քաղաքի Սիսական փողոցի թիվ 46 շենքի տան տանիքից ծուխ է նկատվում. անհրաժեշտ է փրկարարների օգնությունը:

Դեպքի վայր է մեկնել երկու մարտական հաշվարկ:

Պարզվել է, որ հրդեհը բռնկվել է Սիսական փողոցի թիվ 46 շենքի Դ. Ի.-ին պատկանող 7-րդ բնակարանում:

Այրվել է ննջասենյակը գույքով (մոտ 30 քմ) և առաստաղը (մոտ 30 քմ) և ջերմահարվել՝ Ա. Հ.-ին պատկանող թիվ 4 բնակարանի պատերը՝ մոտ 6 քմ:

Հրդեհը մեկուսացվել է ժամը 07.46-ին, մարվել՝ 09.51-ին: