ՄԱՐԶԱԿԱՆ ԼՐԱԳՐՈՂՆԵՐԻ ՏՈՆԸ

Հուլիսի 2-ը մարզական լրագրողների միջազգային ֆեդերացիայի (ԱԻՊՍ) հիմնադրման օրն է եւ պաշտոնապես 1995թ.-ից ԱԻՊՍ-ի որոշումով նշվում է որպես մարզական լրագրողների միջազգային օր։
ԱԻՊՍ-ը հիմնադրվել է 1924թ. Փարիզում: Այդ կազմակերպությանն անդամագրված են աշխարհի մոտ 150 երկրների մարզական լրագրողների ազգային ֆեդերացիաներ: Հայաստանի մարզական լրագրողների ֆեդերացիան (ՀՄԼՖ) շնորհավորել է բոլոր մարզական լրագրողներին պրոֆեսիոնալ տոնի առթիվ, մաղթել բեղուն աշխատանք, երկարամյա գործունեություն, առողջություն եւ երկարակեցություն: