“Մեր տեղեկություններով, նախօրեին Հանրային խորհրդի հետ Սերժ Սարգսյանի հանդիպումից հետո ՀԽ անդամ, ԲՈՀ-ի արդեն նախկին նախագահ Արտյուշա Ղուկասյանն առանձնազրույց է ունեցել ՀՀ նախագահի հետ։ Մեզ հասած տեղեկություններով, Ղուկասյանը Սերժ Սարգսյանի հետ քննարկե է ԿԳ նախարար Արմեն Աշոտյանի կողմից իրեն պաշտոնանկ անելու հրամանը և իր ապագայի հարցը։ Ինքը՝ Ղուկասյանը, մեզ հետ զրույցում կեսբերան հերքեց, թե առանձնազրույց է ունեցել Սերժ Սարգսյանի հետ։ “Հանրային խորհրդի հետ է եղել հանդիպումը, և ես, որպես Հանրային խորհրդի անդամ, պարզապես ներկա եմ եղել այդ հանդիպմանը”,-ասաց Ղուկասյանը։
Ի դեպ, տեղեկացանք, որ ԲՈՀ-ի նախկին նախագահը չի պատրաստվում դատական կարգով բողոքարվել Աշոտյանի՝ իրեն աշխատանքից ազատելու հրամանը։ Դատական համակարգին չե՞ք վստահում, թե՞ այլ պատճառներ կան՝ հարցրինք։ “Ոչ, պարզապես բողոքարկելու իմաստ չեմ տեսնում և վերջ, ցանկություն չունեմ”,- ասաց Ղուկասյանը։ Հրամանը չբողոքարկելը ևս խոսում է այն մասին, որ Ղուկասյանն ինչ-որ սպասելիքներ ունի Սերժ Սարգսյանից, կամ գուցե պայմանավորվածություններ են ձեռք բերվել այլ աշխատանքի անցնելու կապակցությամբ։ Երեկ տեղեկացանք նաև, որ ԲՈՀ-ի նախագահի ժամանակավոր պաշտոնակատար է նշանակվել նախագահի երկարամյա տեղակալ Լիլիթ Արզումանյանը”,-գրում է թերթը։
Մանրամասները՝ “Հրապարակ”-ի այսօրվա համարում
.gif)
