Հունիսի 27-ին, ժամը 23.00-ին, ոստիկանության Երեւան քաղաքի վարչության օպերատիվ կառավարման կենտրոն էր զանգահարել Քոչարի փողոցի 7 շենքի բնակչուհի, 1967 թ. ծնված Գոհար Թ.-ն եւ հայտնել, որ իրենց բնակարանի իրերը խառնված են:
Ոստիկանության լրատվության վարչությունից հայտնում են, որ Մարաշի բաժանմունքի ծառայողները պարզել են, որ նույն օրը, ժամը 08.00-ից մինչեւ ժամը 17.00-ն ընկած ժամանակահատվածում, հարմարեցված բանալու գործադրմամբ մուտքի դուռը բացելով՝ մուտք են գործել 4-րդ հարկում գտնվող բնակարան, սակայն ոչինչ չգողանալով՝ հեռացել են:
Ոստիկանների ձեռնարկած հետագա միջոցառումների արդյունքում մի քանի օր անց պարզվել է, որ այդ բնակարանում գողության փորձ իրականում չի կատարվել, այլ նշված բնակարանի սեփականատեր Հայկանուշ Պ.-ն նույն բնակարանում բնակվող դստեր եւ վերջինիս ամուսնու հետ գտնվելով լարված հարաբերությունների մեջ, երբ վերջիններս տանը չեն եղել, ննջասենյակի պահարանի պարունակությունը թափել է գետին, բացել հյուրասենյակի պահարանները՝ ստեղծելով գողության պատրանք: Հայկանուշ Պ.-ն նախաքննության ընթացքում տվել է խոստովանական ցուցմունք: Կատարվում է նախաքննություն:
.gif)
