Հորդանանի թագավոր Աբդուլահ II իբն ալ-Հուսեյն ալ-Հաշիմին հայտարարել է, որ Թուրքիան միտումնավոր «Իսլամական պետության» ահաբեկիչների է ուղարկում Եվրոպա, փոխանցում է The Independent-ը:
Պարբերականը նշում է, որ Աբդուլահը նման հայտարարություն է արել դեռևս հունվարին ԱՄՆ կոնգրեսի անդամների հետ հանդիպման ժամանակ, սակայն ելույթի մասին տեղեկությունը վերջերս է ի հայտ եկել:
Բացի այդ, Հորդանանի թագավորը հայտարարել է, որ «Իսլամական պետություն»-ը նավթ է վաճառում Թուրքիային:
«Այն փաստը, որ ահաբեկիչներ են մեկնում Եվրոպա, թուրքական քաղաքականության մի մասն է համարվում»,- ասել է Աբդուլահը:
The Independent-ը հիշեցնում է, որ պաշտոնապես Թուրքիան և Հորդանանը դաշնակիցներ են, սակայն փախստականների հետ կապված ճգնաժամը վատթարացրել է երկու երկրների միջև հարաբերությունները: Հորդանանի թագավորը դժգոհ է ԵՄ-Թուրքիա գործարքից:
Թարգմանիչ՝ Քրիստինե Պողոսյան
.gif)
