Հայտնի է դարձել եգիպտական ինքնաթիռն առևանգողի անունը

Եգիպտական լրատվամիջոցները հայտնել են EgyptAir ավիաընկերությանը պատկանող ինքնաթիռն առևանգողի անունը: Նա եգիպտացի Իբրահիմ Սամահն է:

Ավելի վաղ առևանգողը կապ էր հաստատել երկրի իշխանությունների հետ՝ պահանջելով ոստիկանության ուժերը տեղափոխել Լառնակայի օդանավակայանից:

Գրեթե բոլոր ուղևորները լքել են ինքնաթիռը: Ինքնաթիռում 81 մարդ է գտնվել:

Վերջին տվյալների համաձայն՝ ինքնաթիռում մնում են 4 օտարերկրացիներ և անձնակազմի անդամները: