Ապրիլմեկյան տոնակատարությունների նախաձեռնող խումբը 2016թ. Երգիծանքի և հումորի (Ծիծաղի) օրվան նվիրված հոբելյանական «Մեկից մեկ» տոնահանդեսը ԼՂՀ մշակույթի և երիտասարդության նախարարության հետ համատեղ անցկացնում է Արցախում: Ապրիլի 1-ին «Ծիծաղը կփրկի աշխարհը» խորագրի շրջանակներում երգիծանքի և էստրադայի վարպետները, ծաղրածուն, տիկնիկային թատրոնի արտիստները, մնջախաղացներն ու պարային խումբը հանդես կգան ԼՂՀ-ում` ուրախություն ու ժպիտ պարգևելով մեր հայրենակիցներին:
Տոնակատարությունն անցկացվում է ՀՀ Նախագահի օժանդակությամբ:
Տոնական ծրագրում նախատեսվում է.
•Ծիծաղաշարժ լուսանկարների ցուցահանդես
•ՀՀ վաստակավոր նկարիչ , ծաղրանկարիչ, միջազգային մրցույթների դափնեկիր Վլադիմիր Աբրոյանի անհատական ցուցահանդեսը ԼՂՀ մշակույթի և երիտասարդության պալատի ցուցասրահում
•Տիկնիկային ցերեկային ներկայացում փոքրիկների համար
•Համերգ–հանդիպում Ստեփանակերտի մանկատանը և մեծահասակների տուն-ինտերնատում
•Համերգային ծրագիր ԼՂՀ ՊՆ զորամասում
•«Սամվել Բաղդասարյան ընկերություն»-ը կներկայացնի «Մեկից Մեկ» ապրիլմեկյան համերգային երեկո` ԼՂՀ Մարտունի քաղաքի մշակույթի պալատում:
Հարգանքով` «Սամվել Բաղդասարյան ընկերություն»
.gif)
