Ոստիկանության Տավուշի մարզային վարչության եւ Իջեւանի բաժնի ծառայողները, հուլիսի 31-ին, ժամը 20.30-ին, Այգեհովիտ գյուղից, գողություն կատարելու կասկածանքով, բերման են ենթարկել 38-ամյա Սասուն Ա.-ին:
Ոստիկանության մամուլի ծառայությունից հայտնում են, որ նա խոստովանել է, որ ս/թ փետրվարին Այգեհովիտ գյուղում գտնվող, 61-ամյա Սերժիկ Շ.-ին պատկանող խանութի պատուհանը կոտրելով, դրսի կողմից, հարմարեցված փայտյա ձողի միջոցով, խանութից հանել եւ գողացել է տարբեր տեսակի հագուստներ` պատճառելով մոտ 150.000 դրամի նյութական վնաս: Գողոնը մասամբ հայտնաբերվել է: Կատարվում է հետաքննություն:
.gif)
