«Հրապարակ» օրաթերթը գրում է. «Հայ-ադրբեջանական սահմանագծի ռազմական իրավիճակն այս օրերին հայ քաղաքական գործիչներից, պաշտոնյաներից շատերին տարել է Լեռնային Ղարաբաղ: Առաջին մեկնողներից մեկն ԱԺ ՀՀԿ-ական պատգամավոր Մանվել Գրիգորյանն էր՝ երկրապահների հետ:
«Քաղաքացիական պայմանագիր» կուսակցության հիմնադիր, ԱԺ պատգամավոր Նիկոլ Փաշինյանն էլ արդեն հասցրել է Ստեփանակերտում հանդիպում ունենալ ԼՂՀ նախագահ Բակո Սահակյանի հետ։ «ԼՂՀ նախագահը ներկայացրեց Ղարաբաղ-Ադրբեջան շփման գծի երկայնքով ստեղծված վիճակի եւ հնարավոր զարգացումների վերաբերյալ իր գնահատականները: Մենք վերահաստատեցինք մեր անվերապահ աջակցությունը ԼՂՀ քաղաքական ղեկավարությանը, ինչպես նաեւ Հայաստանի եւ Լեռնային Ղարաբաղի զինված ուժերին եւ պատրաստակամություն հայտնեցինք մեզ հասու միջոցներով աջակցել նրանց»,- իր ֆեյսբուքյան էջում գրել է Նիկոլ Փաշինյանը:
Ադրբեջանի սանձարձակ գործողությունների պատճառով ոտքի է ելել նաեւ ՀՀԿ-ական պատգամավոր Առաքել Մովսիսյանը, որոշ տեղեկությունների համաձայն` նա իր ջոկատով մեկնել է Քարվաճառ:
ԲՀԿ-ական պատգամավոր Ռուբեն Գեւորգյանն իր Երդվյալ ազատամարտիկների միության հրամանատարական կազմի 16 անդամների հետ նույնպես Արցախում է, ԵԱՄ-ի մյուս անդամները Երեւանում կազմ ու պատրաստ սպասում են նախարարի հրամանին»:
Ավելի մանրամասն` թերթի այսօրվա համարում:
.gif)
