«Արցախպրես»-ի հաղորդմամբ՝ այսօր առավոտյան անցկացված խորհրդակցությունից հետո գյուղնախարար Արամ Մխոյանի կարգադրությամբ փոխնախարար Կարեն Աղաջանյանն ու ԳՆ բույսերի պաշտպանության ծառայության պետ Վալերի Խաչատրյանն այցելել են շրջաններ՝ հետևելու հակահրդեհային միջոցառումների շրջանակներում իրականացվող աշխատանքներին:
«Մեր կողմից պլանավորված այս աշխատանքները մեկնարկել էին ապրիլի մեկին և արդեն մի շարք շրջաններում դրանք իրականացվել են: Ստեղծելով հակահրդեհային պաշտպանիչ գոտիներ՝ մենք կկարողանանք նաև մեր դաշտերը բաժանել հատվածների, որպեսզի հնարավոր հրդեհների ժամանակ կարողանանք ժամանակին տեղայնացնել հրդեհը և կանխել դրա հետագա տարածումը, հետևաբար և՝բերքի կորուստը»,- շրջայցի ավարտին ասել է փոխնախարար Աղաջանյանը՝ հավելելով, որ աշխատանքները կշարունակվեն նախատեսված պլանի համաձայն՝ լրիվ ծավալով, ինչի համար առկա են անհրաժեշտ բոլոր ռեսուրսները:
Աղբյուրի հաղորդմամբ՝ աշխատանքային այցով այսօր Մարտակերտ է այցելել նաև նախարար Արամ Մխոյանը, ով եղել է շրջանի դաշտերում և ստուգել ցանքսերի վիճակը:
.gif)
