Քիչ առաջ Էրեբունի և Նուբարաշեն վարչական շրւջանների ընդհանուր իրավասության դատարանում դատավոր Արտյուշ Գաբրիելյանի նախագահությամբ շարունակվեց քրեական հեղինակություն համարվող Լևոն Ղազարյանի (Երրոդմասցի Լյովիկ) և նրա ընկերներ Դրաստամատ Թադևոսյանի և Մովսես Նազարյանցի սպանության գործով դատական քննությունը:
Այսօրվա նիստին ներկայացել էր տուժողի իրավահաջորդի ներկայացուցիչ Երեմ Սարգսյանը, ով հայտնեց, որ տուժող Լևոն Ղազարյանի կինը` Աննա Հարությունյանը, խնդրել է իրեն ներկայացնել իր շահերը դատարանում: Տուժողի իրավահաջորդի ներկայացուցիչը խնդրեց տրամադրել 20 աշխատանքային օր ծավալուն գործի նյութերին ծանոթանալու համար: Դատարանը հաջորդ դատական նիստ նշանակեց մայիսի 3-ին` հավելելով, որ այսուհետ յուրաքանչյուր երեքշաբթի այս գործով դատական նիստ է նշանակվելու:
Հավելենք, որ այսօրվա նիստին ներկայացել էր վկաներից միայն մեկը: Մյուս վկաների չներկայանոլու պատճառն անհայտ է:
Մանրամասները` ArmLur.am-ի տեսանյութում:
Տաթև Հարությունյան, Հովսեփ Հովսեփյան
.gif)
