«Ընդհանրապես ասեմ, որ շատերի նման եւ դեռ մի բան էլ ավելի չեմ ընդունում գրանտակեր, պատվերներով իրենց ազգն ամեն պահի 30 արծաթով ծախողներին, որոնց մի մասը կենտրոնացել է տարբեր ՀԿ-ների ցուցանակների տակ»:
Գրանտակերներին ու ազգը ծախողներին չի կարող ընդունել ոչ մի նորմալ մտածող մարդ: Բայց ՀՀԿ-ական պատգամավորի համար երեւի նորություն չէ, որ շատերը նույն կերպ եւ դեռ ավելին, չեն ընդունում այն քաղաքական ուժին, որի ներկայացուցիչն է Հերմինե Նաղդալյանը: Ուստի ազգը ծախողներին քննադատելը որքան էլ սրբազան գործ է, այնուամենայնիվ, այդ առաքելությունը պետք է կատարի գոնե ոչ ազգը թալանող, երկիրը դատարկող ու ծախող քաղաքական ուժի ներկայացուցիչը: Եվ եթե ՀՀԿ-ն այսպես շարունակի, ապագայում արդեն դատարկված երկրում գրանտակերների համար ծախելու բան էլ չի մնա, որ գոնե 30 արծաթը ստանան:
.gif)
