«Ժողովուրդ» օրաթերթը գրում է. «Նախօրեին հայտնի դարձավ, որ Ռոբերտ Քոչարյանի առանձնատան գլխավոր մուտքի պահակակետի ուղղությամբ ապրիլի 15-ին ուսումնական նռնակ նետելու կասկածանքով ձերբակալված 32 ամյա Հովհաննես Մուրադյանը Ավանի հոգեբուժարանում հաշվառված է եղել եւ անցած տարի նաեւ բուժում է ստացել: Մյուս կողմից հայտնի է, որ երիտասարդը հիմնական մասնագիտություն չի ունեցել եւ տաքսի վարելով գումար է վաստակել: Այս դեպքում էլ տարօրինակ է այն փաստը, որ Հովհաննես Մուրադյանին վարորդական վկայական է տրվել:
Ձերբակալված երիտասարդի հայրը` Սերգեյ Մուրադյանը, «Ժողովուրդ»-ի հետ զրույցում պարզաբանեց, որ իր որդին վարորդական վկայականը ստացել է 2004 թվականին: Իսկ հիվանդացել է դրանից 6 տարի անց: Վարորդական վկայականները սովորաբար տրվում են 10 տարով, ժամկետի լրանալուց հետո նորն է հանվում: Ուստի, հարց է ծագում, ինչպես է ՀՀ Ճանապարհային ոստիկանությունը Մուրադյանին նոր վկայական տվել, կամ էլ ինչպես է նա ավտոմեքենան երկու տարի ժամկետանց վկայականով վարել: Հետաքրքիր է՝ ՀՀ ՃՈ պետ Արմեն Հակոբյանը «ասֆալտից գումար» հավաքելուց բացի ժամանակ ունենո՞ւմ է զբաղվել այսպիսի կարեւորագույն խնդիրներով: Հոգեկան հիվանդը վարորդ է աշխատել, այն էլ տաքսու»:
Ավելի մանրամասն՝ թերթի այսօրվա համարում:
.gif)
