Ովքեր այցելեցին Ծիծեռնակաբերդ (ֆոտո)

Վաղ առավոտից Ծիծեռնակաբերդի բլուր են ուղեւորվում հազարավոր մարդիկ, դիվանագիտական կորպուսի, սփյուռքի ներկայացուցիչներ, հյուրեր եւ հայաստանցիներ:

Հայաստանի նախագահ Սերժ Սարգսյանն ու առաջին տիկին Ռիտա Սարգսյանն առավոտյան այցելել են «Ծիծեռնակաբերդ» հուշահամալիր: Նրան ուղեկցում էին Շառլ Ազնավուրը, աշխարհահռչակ դերասան Ջորջ Քլունին, Ավրորա մրցանակաբաշխության մասնակիցները, Ամենայն հայոց կաթողիկոս Գարեգին Բ-ն: Ջորջ Քլունին ծաղիկներ է դրել Ծիծեռնակաբերդի հուշահամալիրում: Ամենայն հայոց կաթողիկոսը Հայր մերից հետո նաեւ սգո աղոթք է ընթերցել Ցեղասպանության անմեղ զոհերի հիշատակին։

Վաղ առավոտից Ծիծեռնակաբերդ են այցելել նաև տարբեր գերատեսչությունների ղեկավարները, այդ թվում՝ վարչապետ Հովիկ Աբրահամյանը, պաշտպանության նախարար Սեյրան Օհանյանը, Երևանի քաղաքապետ Տարոն Մարգարյանը և այլք: