Հայաստանը 1993 թվականից Մտավոր սեփականության համաշխարհային կազմակերպության եւ 1995 թվականից` Եվրասիական արտոնագրային կազմակերպության անդամ է։ Գործակալության խնդիրն է Հայաստանում ապահովել մտավոր սեփականության օբյեկտների իրավական պահպանությունը:
Հայաստանի Հանրապետությունում մտավոր սեփականության պահպանության ազգային համակարգի ձեւավորումը սկսվել է 1992 թվականի հունվարին Հայաստանի կառավարությանն առընթեր արտոնագրային վարչության եւ 1993 թվականի դեկտեմբերին Հեղինակային իրավունքի ազգային գործակալության ստեղծմամբ։
Հետագայում, 2002 թվականի մարտին այս երկու մարմինների միաձուլմամբ ստեղծվեց Մտավոր սեփականության գործակալությունը, որն ունի Հայաստանի Հանրապետության էկոնոմիկայի նախարարության կազմում գործող առանձնացված ստորաբաժանման կարգավիճակ։ Նույն թվականին կառավարությունը հաստատել է գործակալության կանոնադրությունը եւ կառուցվածքը։
.gif)
