“Կանեփ-կակաչ-2013” համալիր կանխարգելիչ միջոցառման շրջանակներում, ոստիկանության ԿՀԴՊ ԳՎ ԹԱՇԴՊՎ, Արագածոտնի մարզային վարչության եւ Աշտարակի բաժնի ծառայողները օգոստոսի 20-ին, ժամը 13.30-ի սահմաններում, 1964 թ. ծնված Գեղամ Մ.-ի տնամերձ հողամասից հայտնաբերել եւ առգրավել են 1 կգ կշռով կանեփի 15 բույս: Հայտնաբերվածն ուղարկվել է փորձաքննության:
Ոստիկանության Աշտարակի բաժնի ծառայողների բացատրական աշխատանքների շնորհիվ, նույն օրը, ժամը 15.00-ին, Գեղամ Մ.-ն ներկայացել է բաժին եւ կատարվածի մասին տվել բացատրություն: Գեղամ Մ.-ն ներկայացվել է դատաքիմիական փորձաքննության: Կատարվում է հետաքննություն:
Օգոստոսի 20-ին, ժամը 09.00-ից 14.00-ն ընկած ժամանակահատվածում, Աշտարակ քաղաքից հավաքվել եւ այրելու միջոցով ոչնչացվել է շուրջ 173 կգ կանեփի բույս:
Ապարան քաղաքի ու Ծաղկաշեն, Արագած, Վարդենուտ, Արայի եւ Ափնագյուղ գյուղերի վարչական տարածքներից հավաքվել ու այրելու միջոցով ոչնչացվել է 167 կգ կանեփի բույսի կանաչ զանգված: Արտաշատում 1965 թ. ծնված Արմեն Ս.-ի տան բակից հայտնաբերել եւ առգրավել են մշակված ու խնամված մոտ 9 կգ կշռով կանեփի 19 բույս:
Ըստ Արմեն Ս.-ի` նշված բույսերը աճեցրել եւ մշակել է ինքը` անձնական օգտագործման համար: Հայտնաբերվածն ուղարկվել է փորձաքննության: Կատարվում է հետաքննություն:
Արարատ, Նոյակերտ ու Եղեգնավան գյուղերի վարչական տարածքից հավաքվել եւ այրելու միջոցով ոչնչացվել է 285 կգ կանեփի բույսի կանաչ զանգված:
Գեղարքունիքի մարզում ժամը 16.00-ին, 1942 թ. ծնված Վազգեն Օ.-ի տնամերձ հողամասից հայտնաբերվել եւ առգրավվել է 20 թուփ` 1.7 կգ ընդհանուր կշռով կանեփի բույսի կանաչ զանգված: Նշանակվել է փորձաքննություն: Կատարվում է հետաքննություն:
Մարտունիում 1961 թ. ծնված Վերգուշ Ա.-ի տնամերձ հողամասից հայտնաբերվել եւ առգրավվել է 13 թուփ` 10 կգ ընդհանուր կշռով կանեփի բույսի կանաչ զանգված, իսկ ժամը 14.30-ին, 1962 թ. ծնված Լաուրիկ Մ.-ի տնամերձ հողամասից հայտնաբերվել եւ առգրավվել է 26 թուփ` 16 կգ ընդհանուր կշռով կանեփի բույսի կանաչ զանգված:
Ժամը 14.40-ին, 1982 թ. ծնված Թամարա Շ.-ի տնամերձ հողամասից հայտնաբերվել եւ առգրավվել է 26 թուփ` 11 կգ ընդհանուր կշռով կանեփի բույսի կանաչ զանգված, իսկ 1948 թ. ծնված Բեզար Հ.-ի տնամերձ հողամասից հայտնաբերվել եւ առգրավվել է 29 թուփ` 11 կգ ընդհանուր կշռով կանեփի բույսի կանաչ զանգված:
Կանեփի զանգվածներ են հայտնաբերվել նաեւ Լոռու մարզում, Ծաղկաձոր եւ Հրազդան քաղաքներում, Չարենցավանում, Գյումրիում, Գորիսում, Շենաթաղ ու Դարբաս գյուղերում, Իջեւանում:
.gif)
