«Կոչումով բժիշկ» նախագիծը ներկայացնում է Երևանի ու մարզերի բժշկական այն գերդաստաններին, որոնց բժիշկ սերունդները նպաստել են մեր երկրի առողջապահական համակարգի զարգացմանը, ներդրում ունեցել և շարունակում են ունենալ բազմաթիվ մարդկային կյանքերի փրկության գործում:
Հակոբյանների բժշկական տոհմի հիմնադիրը Սուրեն Իվանի Հակոբյանն է, որ ծնվել և մասնագիտական գործունեություն է ծավալել ՀՀ Տավուշի մարզի Բերդ քաղաքում: Նա Երևանի պետական բժշկական համալսարանի առաջին շրջանավարտներից էր: Քչերին է հայտնի, որ անվանի քաղաքական գործիչ, Մարքսիստական կուսակցության նախագահ Դավիթ Հակոբյանը Սուրեն Հակոբյանի որդին էր, որ ընտրել էր հոր մասնագիտական ուղին` քաղաքական-հասարակական ակտիվ աշխատանքին զուգահեռ, նա նաև կոչումով բժիշկ էր:
1984-2014թթ. աշխատել է Երևանի 12-րդ պոլիկլինիկայում` որպես թերապևտիկ բաժանմունքի ղեկավար։ Դավիթ Հակոբյանը 1988թ. երկրաշարժի տարիներին մի խումբ բժիշկների հետ մեկնել է աղետի գոտի՝ ակտիվ մասնակցություն ունենալով փրկարարական աշխատանքներում:
Հակոբյանների բժշկական երրորդ սերնդի ներկայացուցիչներն են Դավիթ Հակոբյանի երեք դուստրերը, ինչպես նաև եղբորոդին` Ռեմի Հակոբյանը:
Ներկայացնում ենք նաև նախագծի վիդեո տարբերակը:
.gif)
