Ինչպես ArmLur.am-ը ավելի վաղ հայտնել է, Կառավարության մայիսի 5-ի օրակարգում ընդգրկված է «Արցախի Հանրապետությունը ճանաչելու մասին» օրենսդրական նախաձեռնությունը, որը ներկայացրել են ԱԺ պատգամավորներ Զարուհի Փոստանջյանն ու Հրանտ Բագրատյանը: Ներկայացված օրենքի նախագծի ընդունումը պայմանավորված է Հայաստանի և Արցախի միջև քննարկումների արդյունքներով՝ հաշվի առնելով հետագա զարգացումները, այդ թվում նաև` արտաքին գործոնները:
Քաղաքագետ Ալեքսանդր Մանասյանը ArmLur.am-ի հետ զրույցում նշեց, որ Արցախի ճանաչման հարցը կախված է նրանից, թե ինչպես է Հայաստանը նախապատրաստում ճանաչման ակտը:
«Ես, բնականաբար, կողմ եմ ճանաչմանը, բայց դա ենթադրում է լավ նախապատրաստվածություն. ավելի լավը, քան մենք հիմա ունենք: Քարոզչական իրավական, դիվանագիտական, քաղաքական դաշտերում դրա նախապատրաստությունը պետք է ավելի հիմնավոր լիներ: Սակայն հիմնական բանաձեւն այն է, որ Հայաստանը պետք է ճանաչի Արցախի անկախությունը»:
.gif)
