Հանրապետությունում ավարտվել են 2013 թվականի ծիրանի մթերման աշխատանքները: Գյուղնախարարությունից հայտնում են, որ ընթացիկ տարում ծիրանի մթերման ծավալը շուրջ 47 տոկոսով գերազանցել է նախորդ տարվա մթերման ցուցանիշը: Այս տարի 28 պտուղբանջարեղեն վերամշակող ընկերություններ մթերել են 13. 044 տոննա ծիրան՝ նախորդ տարվա 8.855 տոննայի փոխարեն:
Ընթացիկ տարում ռեկորդային է եղել նաև ծիրանի արտահանման ցուցանիշները: 29 ընկերություն և 514 անհատ ձեռներեց արտահանել են շուրջ 23.240 տոննա ծիրան, որից՝ 19.810 տոննա՝ ՌԴ, 2.593 տոննա՝ Վրաստան, 668 տոննա՝ ՈՒկրաինա և փոքր ծավալներով նաև այլ երկրներ: Ընդհանուր առմամբ, ծիրանի արտահանման ծավալը 84 տոկոսով գերազանցել է նախորդ տարվա արտահանման ցուցանիշը:
.gif)
