Մամեդյարովը մեկնել է Գերմանիա

Ադրբեջանի արտաքին գործերի նախարար Էլմար Մամեդյարովն այսօր մեկնել է Գերմանիայի դաշնային հանրապետություն:

Այս մասին հայտնում են ադրբեջանական ԶԼՄ-ները` հղում կատարելով ԱԳՆ մամուլի ծառայությանը, ըստ որի` այցը պաշտոնական բնույթ է կրում:

Այցի ընթացքում ծրագրված է Մամեդյարովի հանդիպումները գերմանացի իր գործընկեր Ֆրանկ-Վալտեր Շտայնմայերի եւ այլ պաշտոնական անձանց հետ:

Գերմանիան այս տարի նախագահում է ԵԱՀԿ-ում: