Քիչ առաջ հայտնի դարձավ, որ ԱՄՆ պետքարտուղար Ջոն Քերին առաջիկա օրերին այցելելու է Սաուդյան Արաբիա, Ավստրիա, Բելգիա, Բուրմա և Վիետնամ: Ըստ ԱՄՆ պետական դեպարտամենտի պաշտոնական հաղորդագրության՝ ԱՄՆ պետքարտուղարը մայիսի 16-ին գտնվելու է Ավստրիայի մայրաքաղաք Վիեննայում, որտեղ նախատեսվում է ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի հանդիպումը։ Հանդիպմանը ներկա են լինելու նաեւ ԱՄՆ պետքարտուղարի ռուսաստանցի և ֆրանսիացի գործընկերները։
Հիշեցնենք, որ ԵԱՀԿ Մինսկի խմբի համանախագահները հայտարարություն էին տարածել, ըստ որի՝ ՀՀ և Ադրբեջանի նախագահները կարող են հանդիպել հաջորդ շաբաթ:
ԵԱՀԿ ՄԽ համանախագահները մասնավորապես ասել էին.
«Բռնության վերջին բռնկման և լարվածության անհապաղ նվազման անհրաժեշտության ֆոնին՝ մենք կարծում ենք, որ ժամանակն է, որպեսզի Հայաստանի և Ադրբեջանի նախագահները հանդիպեն»:
.gif)
