Մոլդովական փողոցում ավտոմեքենա է ընկել փոսը

Մայիսի 14-ին, ժամը 22.04-ին ահազանգ է ստացվել, որ Երևանի Նելսոն Ստեփանյան փողոցում գտնվող քոլեջի մոտակայքում «Վոլկսվագեն» մակնիշի մարդատար ավտոմեքենան ընկել է փոսի մեջ. անհրաժեշտ է փրկարարների օգնությունը:

Դեպքի վայր է մեկնել ՀՆՓԱԻ կենտրոնի փրկարարական ջոկատը:

Պարզվել է, որ Մոլդովական փողոցի թիվ 37ա հասցեում գտնվող «Առևտրի քոլեջի» մոտակայքում «Վոլկսվագեն Պասսատ» մակնիշի 34 RZ 630 պ/հ ավտոմեքենան դուրս է եկել ճանապարհի երթևեկելի հատվածից և առջևի հատվածով կախվել է 1մ խորությամբ փոսի մեջ:

Փրկարարները ավտոմեքենան դուրս են բերել փոսից։