Հայ եվ ռուս գործարարները կհանդիպեն Երեվանում

Հայաստանի առեւտրաարդյունաբերական պալատում (Երեւան, Խանջյան 11), սեպտեմբերի 10-ին, կկայանա Ռուսաստանի Դաշնության Տոմսկի նահանգի եւ Հայաստանի գործարարների հանդիպում՝ կոնտակտների բիրժա թեմայով։ Հայաստանի առեւտրաարդյունաբերական պալատի մամուլի կենտրոնից հայտնում են, որ հիմնական ոլորտներն են էլեկտրոնիկան, բարձր տեխնոլոգիաները, տուրիզմը, բազմաբնույթ ծառայությունները եւ այլն։ Ռուսաստանցի գործարարները սեպտեմբերի 11–ին կլինեն Վանաձորում՝ գործակցելու Լոռիի մարզի գործարարների հետ։