Սեպտեմբերի 8-ին ՀՀ ԱԻՆ Ճգնաժամային կառավարման կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Մասնավորապես՝ Ծիծեռնակաբերդի խճուղում՝ “Դալմա Գարդեն Մոլ” զվարճաառևտրային համալիրի մոտակայքում այրվել է 500 քմ խոտածածկ տարածք, “Հաղթանակ” զբոսայգում՝ “Մայր Հայաստան” հուշահամալիրի մոտակայքում` 1000 քմ, Արագածոտնի մարզի կարբի գյուղում` 10 հա, Արմավիրի մարզի Փարաքար գյուղում` 3000 քմ ցորենի հնձած արտ, Գեղարքունիքի մարզի գավառ քաղաքում` 1 հա, Լոռու մարզի Արևածագ գյուղի մոտակայքում` 2500 քմ, Օձուն – Արևածագ ավտոճանապարհի 1-ին կմ-ի մոտակայքում` 300 քմ, Վանաձոր քաղաքի գերեզմանատանը` 1 հա, Սպիտակ քաղաքի հին գերեզմանատանը` 1000 քմ, Սարահարթ գյուղի մոտակայքում` 5 հա, Արևաշող գյուղի դպրոցի մոտակայքում` 35 հակ անասնակեր, Կոտայքի մարզի Զառ գյուղի մոտակայքում` 3 հա, “Սրբ. Հովհաննես” եկեղեցու մոտակայքում` 400 քմ, Նոր Գյուղ գյուղի 19-րդ փողոցի թիվ 3 տան մոտակայքում` 1000 քմ, Կոտայքի փողոցի թիվ 19 տան մոտակայքում` 6000 քմ բուսածածկ տարածք, Սայաթ-Նովա փողոցի նրբանցքի թիվ 9 տան մոտակայքում` 500 քմ, Հրազդան քաղաքի ԲԿ-ի մոտակայքում` 1,5 հա, Ֆանտան – Հրազդան ավտոճանապարհի 7-րդ կմ-ի մոտակայքում` 7,5 հա, Տուֆաշեն գյուղի մոտակայքում` 0.5 հա, Տավուշի մարզի Թուխիկյան փողոցի թիվ 25 հասցեում՝ 500 քմ, Սյունիքի մարզի Սյունիք գյուղում` 5000 քմ խոտածածկ տարածք:
Բոլոր հրդեհները հրշեջ-փրկարարները մեկուսացրել են և մարել:
.gif)
