Վերջին օրերի համազգային «մանթրաժից» ու ճնշված հոգեվիճակից հետո երեկ հայ հանրությունը ստացավ թեկուզ փոքր, բայց օդի պես անհրաժեշտ դրական լիցքեր. ֆուտբոլի Հայաստանի ազգային հավաքականը Պրահայում հաղթեց Չեխիայի ընտրանուն:
2014թ. աշխարհի առաջնության նախընտրական փուլի Չեխիա-Հայաստան հանդիպումը ավարտվեց 1:2 հաշվով՝ հօգուտ մեր թիմի: Առաջին խաղակեսում գոլի հեղինակ դարձավ Կառլեն Մկրտչյանը, իսկ խաղի ամենավերջում՝ ավելացված ժամանակում, Գեւորգ Ղազարյանը երկրորդ գեղեցիկ գոլի միջոցով ամրագրեց մեր հաղթանակը: Այսպիսով՝ Հայաստանի հավաքականը միավորներով հավասարվեց Չեխիային եւ ունի իր ենթախմբում երկրորդ տեղը գրավելու հնարավորություն: Երեկ՝ մինչ ուշ գիշեր, Երեւանի փողոցներում ֆուտբոլասերները նշում էին մեր հավաքականի հաղթանակը՝ մոռացած Մաքսային միության, արտագաղթի, գնաճի եւ մնացած բոլոր խնդիրների մասին:
.gif)
