Ս.թ. մայիսի 26-ին ժ. 11.00 Շիրակի մարզի Սառնաղբյուր գյուղում տեղի կունենա 1918թ. Սառնաղբյուր գյուղի ինքնապաշտպանական հերոսամարտին նվիրված հուշակոթողի բացման արարողությունը: Միջոցառմանը ներկա կգնտվեն ՀՀ կառավարության անդամներ, Ազգային ժողովի պատգամավորներ, բարձրաստիճան զինվորականներ, մտավորականներ, ՀՀ այլ պետական մարմինների, ինչպես նաև հասարակական կազմակերպությունների ներկայացուցիչներ:
Ինչպես հայտնի է, որ 1918 թվականի մայիսի 16-ից 22-ը թուրքական բանակի դեմ տեղի ունեցավ Սառնաղբյուրի հերոսամարտը: Պատմական նորահայտ փաստերը վկայում են, որ սառնաղբյուրցիները կազմակերպել են իրենց և հարևան գյուղերի ինքնապաշտպանական մարտերը` թույլ չտալով թուրքական զորաջոկատներին առաջ շարժվելու:
Սառնաղբյուրի հերոսամարտը առաջին անձնվեր գոյապայքարն էր` Էրզրումն ու Սարիղամիշը գրավելուց հետո անարգելք առաջ շարժվող թուրքերի դեմ: Վերջիններս առաջին անգամ հանդիպեցին հայկական կողմի անառիկ պատնեշին, որը ժամանակ և հնարավորություն տվեց մի կողմից ապահովել բազմահազար գաղթականների նահանջը Էջմիածին, մյուս կողմից՝ վերադասավորել և համախմբել մնացած ուժերը:
Սառնաղբյուրցիների մեկշաբաթյա հերոսական պայքարը դարձավ մայիսյան հաղթանակների նախերգանքը:
Նախաձեռնող խումբ
Հարցերի դեպքում և լրացուցիչ տեղեկատվության համար դիմել ՀՀ ԱԺ պատգամավոր Ս. Նիկոյանին
.gif)
