ԱԺ ՊԱՏԳԱՄԱՎՈՐՆԵՐԸ` ԿՈՃԱԿ ՍԵՂՄՈՂԻ ԴԵՐՈՒՄ

Մինչ սեպտեմբերի 3-ը, երբ Սերժ Սարգսյանը բոլորի համար անսպասելիորեն հայտարարեց, որ Հայաստանը մտադիր է միանալ Մաքսային միությանը, մեր ողջ իշխանական էլիտան լծված էր Եվրամիության հետ հարաբերությունները սերտացնելու ուղղությամբ տեսակետներ հայտնելու գործին` ամեն մեկն իր չափով փորձելով հաճոյանալ երկրի ղեկավարությանը: Հիմա, սակայն, այդ նույն մարդիկ նույնպիսի եռանդով վստահեցնում են, որ ՀՀ տնտեսական եւ քաղաքական շահը բացառապես Մաքսային միությունում է, եւ որ իրենք մշտապես այդ մասին ասել են: Ձեզ ենք ներկայացնում թեմայի շուրջ ԱԺ պատգամավորների կարծիքը:

-Միանշանակ Մաքսային միությանը, պատճառն էլ այն է, որ մեր կապերը ՌԴ-ի հետ միշտ էլ եղել են, ու դա այսօր անհնար է հերքել… իհարկե ԵՄ-ի հետ մեր կապերը պահելով:

-Դե ժամանակը ցույց կտա, չգիտեմ, ամեն մեկը մի բան խոսում է, ու ինչ հիմքերով են ասում՝ չեմ հասկանում: Ես կարծում եմ, որ պետք է սպասենք, ու ժամանակի ընթացքում ամեն ինչ պարզ կլինի:

-Ուրեմն ՄՄ խնդիրներն ինչ էլ որ ներկայացնի, իմ կարծիքով… չնայած էլի եմ ասում՝ ժամանակի ընթացքում քննարկվելու են այդ խնդիրները, կներկայացվի եւ ԱԺ-ում, ինչպես արդեն խոստացավ ԱԺ նախագահը: Ամեն դեպքում, իմ անձնական կարծիքն եմ ես ասում, որ մենք ամեն գնով պետք է ՌԴ-ի հետ մեր կապերը ամրապնդենք ու Եվրոպայի հետ էլ շարունակենք մեր համագործակցությունը:

-Ձեզ ինչո՞ւ է թվում, թե նախագահը կամ մյուս ղեկավարներն այդքան հայրենասեր չեն, որ մեր ինքնիշխանության հաշվին ինչ-որ բաներ անեն: Եվ նման հայտարարություններ անելն ուղղակի, իմ կարծիքով, տեղին չէ:

-Ինձ համար անակնկալ չէր, նույնիսկ ես ողջունում եմ էդ որոշումը, որովհետեւ մեր անվտանգությունը հենց դա է պահանջում: Եթե մեր սահմանները նայե՛ք, կհասկանաք ամեն ինչ: Տնտեսական առումով էլ ՌԴ-ն… իմ կարծիքով՝ այդ կապերը…. Աստված տա, հետագայում այդ սահմաններն էլ բացվեն, երկաթուղին էլ աշխատի: Ես չեմ կարծում, որ լինի մի հայ մարդ, որ պետականության հաշվին փորձի ինչ-որ այլ բան անել…. նորմալ մարդը նման բան չի անի:

-Ցանկացած հարց, որը կնպաստի մեր պետությանը, մեր պետության շահերին, մեր ժողովրդի շահերին, գործարարին, ես միանշանակ կողմ եմ: Եվ որպես մարդ՝ իմ փորձով, իմ գիտելիքներով… սա շատ մեծ բան կտա մեր տնտեսությանը, թե ֆինանսական խնդիրներ… եւ իրեն բոլոր ատրիբուտներով, որի պահանջը որ կա երկրում:

-Խի՞ միայն գործարարի, բոլոր ժողովրդի… (արագ քայլերով հեռանում է-Ս. Գ.):

-Անվտանգության առումով՝ Մաքսային միությունը, իսկ տնտեսական եւ քաղաքական հարցով առայժմ պարզ չէ:

-Դա իմ կարծիքն է… (զրույցի ընթացքում քայլում է եւ արագ հեռանում-Ս. Գ.):

-(Գլուխը կախ լսում է ու քայլում-Ս. Գ). Ցտեսություն: (Ա. Սարգսյանին է միանում ԱԺ ՀՀԿ խմբակցության անդամ Աշոտ Արսենյանը ու ասում, թե պարոն Սարգսյանի մոտ No comment է: Ու միասին հեռանում են-Ս. Գ.):

-Ինձ հարմար չէ, ես հիմա զբաղված եմ: (Այդ պահին Համբարձումյանը հեռախոսն էր “փորփրում”, ապա գլուխը կախեց ու հեռացավ-Ս. Գ.):