«Ովքեր պետք է լինեն հանձնաժողովում՝ որոշում է հանրապետության նախագահը, այլ ոչ թե ես: Ես չեմ մեկնաբանում նախագահի որոշումները»:

Եթե սահմանադրական բարեփոխումների մասնագիտական հանձնաժողով ստեղծելու հարցում արդարադատության նախարարը, որը տվյալ ոլորտի պատասխանատուն է, ոչինչ չունի ասելու եւ որոշելու, ապա ո՞ւմ է պետք առհասարակ նման նախարարը: Չէ՞ որ նա պետք է պատասխանատու լինի իրեն լիազորված բնագավառներում քաղաքականության մշակման ու իրականացման, տիրող իրավիճակի եւ հեռանկարային զարգացման ապահովման համար: Իսկ նման հանձնաժողովում ընդդիմադիր գործիչներին չընդգրկելը, ինչը նույնիսկ արդարադատության նախարարն է վախենում մեկնաբանել, արդեն իսկ խոսում է այն մասին, թե ում են ձեռնտու այդ «բարեփոխումները»: