Սիրիական բանակն «Իսլամական պետություն» ահաբեկչական խմբավորման այսպես կոչված՝ մայրաքաղաք Ռաքքայում սկսել է խմբավորման դեմ հարձակումը, գրում է լիբանանյան Al-Akhbar պարբերականը:
Ավելի վաղ Ռաքքայի ազատագրման հարցով օպերացիայի սկզբի մասին հայտարարել էին «Սիրիայի դեմոկրատական ուժեր» քրդական ընդդիմադիր ստորաբաժանումները:
Պարբերականի տեղեկությունների համաձայն՝ նոր օպերացիայի մասին որոշումն ընդունվել է սիրիական իշխանությունների կողմից: Առաջնահերթ թիրախում է հայտնվել Աթ-Թաբկա քաղաքը, որը գտնվում է Ռաքքայից ոչ հեռու:
Ավելի վաղ հաղորդվել է, որ ռուսական ավիացիայի աջակցությամբ սիրիական բանակը լուրջ հարձակում է սկսել «Իսլամական պետության» ուժերի վրա:Պարբերականը հայտնում է նաև, որ օպերացիան պլանավորվում էր դեռևս փետրվարին, սակայն իրավիճակը փոխվեց՝ հրադադարի ռեժիմի հարցով համաձայնագրի ուժի մեջ մտնելուց հետո:
.gif)
