Երեկ ՀՀԿ առաջնորդ Սերժ Սարգսյանն ու ՀՀ ոստիկանապետ Վլադիմիր Գասպարյանը Դավթաշեն վարչական շրջանում ներկա էին ՀՀ ոստիկանության անձնագրերի եւ վիզաների վարչության նոր վարչական շենքի բացման արարողությանը: Ինչպես ներկայացրեց ոստիկանության պետի տեղակալ Արթուր Օսիկյանը, մոտ 5000 քառակուսի մետր տարածք զբաղեցնող շենքի վերանորոգումը տեւել է մեկ տարի: Շենքում տեղակայված են մի շարք ստորաբաժանումներ՝ դիմումների ընդունման, բնակչության պետռեգիստրի, վիզաների, անձնագրային եւ ելքի փաստաթղթերի ձեւակերպման բաժինները, այստեղ են տպագրվելու նաեւ կենսաչափական տվյալներով նույնականացման քարտերն ու անձնագրերը:
.gif)
